Нийслэлийн Засаг дарга бөгөөд Улаанбаатар хотыг захирагч Г. Мөнхбаяр төсвийн ерөнхийлөн захирагч нартай бүтээгдэхүүн нийлүүлэх үр дүнгийн гэрээг байгууллаа. Уг арга хэмжээнд дүүрэг болон харъяа агентлагуудын 30 гаруй удирдлага оролцсон юм.  
Жил бүрийн оны эхэний саруудад өнгөрсөн жилийн ажлаа тайлагнаж, төсөв төлөвлөгөөгөө батлан, үр дүнг нь тооцдог. Энэ жилийн бүтээгдэхүүн нийлүүлэх үр дүнгийн гэрээ өмнөх жилүүдээс нэлээд онцлог болсон нь нийслэл Төрийн бус байгууллагуудтай хамтран иргэдийнхээ амьдралыг дэмжиж, ажлын байр бий болгож буй явдал байлаа.
Өнгөрсөн оны гэрээний биелэлт харьцангуй өөр өөр үнэлгээтэй гарсан. Ажил сайжруулах шаардлагатай дүүргүүд байхад бүрэн хангалттай ажилласан байгууллагууд ч байлаа. Ерөнхий дүнгээр нийслэлчүүд өмнөө тавьсан зорилгоо биелүүлсэн гэж үнэлэгджээ.

Энгельсийн гүүрэн гарцыг Япон улсын буцалтгүй тусламжаар гурван жилийн хугацаанд барихаар ажиллаа эхэлээд байна. Уг замын трасст орсон 17 иргэн, аж ахуйн нэгж, байгууллагын хашаа, хайс,ТҮЦ, павильолныг буулгах ажлын Сүхбаатар дүүргийн газрын албанаас энэ сарын 9-ний өдөр эхэлсэн байна. Энэхүү ажлыг Нийслэлийн Газрын алба, Сүхбаатар дүүргийн Газрын алба, Нийслэлийн Цагдаагийн газар, Онцгой байдлын газар, Замын Цагдаагийн газартай хамтран зохион байгуулжээ. Уг зам нь баруун дөрвөн замаас цагаан хаалга хүртэл тавигдах бөгөөд гүүрэн гарц нь 280 м урттай 2 урсгал, 4 эгнээтэй зам баригдах аж.

2010 оны 1 дугаар сарын 6-ны өдөр Нийслэлийн Прокурорын газрын Хэрэг бүртгэх ажиллагаанд хяналт тавих хэлтэс, Нийслэлийн Газрын албаны Газрын үнэлгээ, төлбөрийн хэлтэс хамтран “Захиргааны зөрчлийн хэрэг бүртгэх ажиллагаа” сэдэвт сургалт явууллаа. Сургалтанд Нийслэлийн Газрын албаны төлбөрийн 9 байцаагч, татварын улсын байцаагчийн эрх бүхий 5 байцаагч оролцож Нийслэлийн Прокурорын газрын хяналтын прокурор Ж.Ганцэцэг Захиргааны зөрчлийн хэрэг бүртгэх ажиллагааны зарим асуудал сэдэвээр сургалт хийж харилцан ярилцаж санал бодлоо солилцов. Сургалтаар байцаагч нар захиргааны хэрэг зөрчилийн тэмдэглэл хөтлөх, хэрэг бүртгэх ажиллагаа хийх үед гардаг нийтлэг зөрчил, дутагдал, эрх үүргийн тухай мэдлэгээ өргөжүүллээ.

Нийслэл, дүүргийн Газрын албаны нийт ажилтнууд, тэдний гэр бүлийхэнд болон манай байгууллагатай хамтран ажилладаг харилцагч, үйлчлүүлэгч иргэн, аж ахуйн нэгж, байгууллагын хамт олонд ирж буй 2010 оны шинэ жилийн баярын мэнд хүргэж, аз жаргал, сайн сайхан бүхнийг хүсэн ерөөе.
Шинэ онд Та бүхний юу санасан есөн цагаан хүсэл биелж, элгээрээ энх амгалан, төрлөөрөө түвшин амгалан байх болтугай.

Нийслэлийн Газрын албаны дарга бөгөөд
Улаанбаатар хотын газрын ерөнхий даамал          Ц.Сандуй

Монгол улсын Газрын тухай, Татварын ерөнхий хууль, Газрын төлбөрийн тухай хууль болон Нийслэл, дүүргийн Газрын албадтай байгуулсан газар эзэмших, ашиглах гэрээний үүргээ чанд биелүүлэн тогтоосон хугацаанд газрын төлбөрөө төлж төлбөрийн өр үүсгэлгүй ажилласан, нийслэлийн төсвийн орлогыг бүрдүүлэхэд хувь нэмрээ оруулж “Найдвартай газрын төлбөр төлөгч”-өөр шалгарсан дараахь аж ахуйн нэгж, байгууллагуудад ирж буй шинэ 2010 оны ажилд нь амжилт бүтээлээр дүүрэн байхыг ерөөлийг дэвшүүлэн алдаршуулж байна. Та бүхэнд “Найдвартай газрын төлбөр төлөгч”-өөр шалгарч байгааг уламжлан цаашид өмнөх уламжлалаа алдалгүй хамтран ажиллана гэдэгт итгэж байна.